In störm en wind stoat hai doar tröts te kieken aan wotterkaant Sums is het krek asof e zegt dit is mien thuus, mien laand Hai hold de wacht bie t Stadsknoal en denkt aan vrouger joaren In tied dat minsen sloapen goan en kinder worden geboren Refraain: Doar stoat hai bie de badde en spijt t wotter in Dat dut mie denken aan snikkejong en da'k grammieterg bin Krinkies stromen noar t Bunersluus en ook noar t Sapsverloat Herrinnens aan vergoane tieden, aan törf, mor ook aan schoamt Kiddels uut begunjoaren binnen dood of gries of old Zai stoan verainegd aan de wieke mit n bronzen haart van gold Deur dizze kwakjesbruier zug ik ale schippers goan Ik heur Geert Tais zien meesterwaarken, zien Lorelei benoam "Ik wait nait wat dat beduden zel", heur k wied vot n wichie zingen De wottertoren dij stoat aan t end, de spijer spijt zien kringen En in de kolle van de winter, in de waarmte van de zun In vrouger tied en toukomst was hier het stil begun Minsen uut dij stoere joaren binnen dood of gries en old Zai stoan verainegd aan de wieke mit n bronzen haart van goldPágina 1 / 1