Ken ki po-m na mundu txoma Zita
Kelotu si padás txoma Dimingu
Ki da-m nobidadi foi Nha Nhinha
Ki anúnsia na kutélu é rapasinhu
Sima si dónu Tói odju brazinu
Dos kóba na kexada, é malandrinhu

Es manda buska odju di purgera
Vizinhu da si galu katxur peladu
Pamó mininu é ses di partu dozi
Ta txoma dia di séti fitisera
Si antis di Kristu N ka finkadu stera
Ma méstri Nhonho fla-l pa salta el

Un négru benze-l i otu foi prézu
Na pronunsiason éra Mandéla
E kumesa t'odja mundu a prétu i branku
Ti mésmu arku-da-bédja a karbon
Na sis lápis di kor i alguns baton
I mundu dexa di sta na se mon

Titia Bibinha ben ku ses orónia
Partera ku se rol di padja-l xá
E fla: Nhos korda-l nhos da-m pa N da banhu
Pa libra-l di sina di manhan
Midjór nu ba ta po-l un talisman
I Zita, anton, labanta di se dor

E-e-e
Nhos dixa-m nha fidju durmi!