Scetàteve guagliune e malavita

ca nun ce sta speranza int' a sta serenata
chi scenne pa sti vvie nun trova fatica
si nun t'affoga 'o mare t'ha ggià affugato 'a vita

'o piscatore 'mbriaco s'ha perduto 'o pesce
chille era n'ommo tuosto e mò s'è fatto musce
allarme, allarme simmo tutta gente 'nziste
p'o juorno d'a Madonna ce mettimmo a festa

fronna è limone è chi sta 'ncatenato
brigante e brigantesse simmo addeventate
scatènate tempesta pè tutto 'o puorto
ca' nun m'avite vivo e nun m'avite muorto

e porto sta bannera comm'a na croce

faciteme cantà ca sto buono a voce