Fórti dór!
N ka ta skese
Foi un di kes momentus di nha vida
Ki N ta lenbra i N ta lamenta

Mi nunka N pensaba ma un dia mi N ta txoraba
Mi nunka N pensaba ma un dia mi N ta sufria
Di tantu ama-u i até mi N skese di mi
Oji mi N sa li so ta txora diskonsoladu
Amigu bon di djuntu, nu faze planu lindu
Amigu bon di djuntu, nu tinha planu bunitu
Di ladu di nos fidju, ta vive filis
É tudu ki mi N kria, será ki mi N sta pidi dimás?

Dja bu ka kre-m más
Kusé ki N faze di eradu?
Dja bu ka kre-m más
Ki kastigu ki N sa paga?
Dja bu ka kre-m más
Nen pa bu odja-m, nen pa bu fala-m
Dja bu ka kre-m más

N staba nganadu, mi N pensaba ma N konxeba bo
I tudu ki nu vive ben iludi ma u ta amaba mi
Nu kria kunpanheru i nu kria nos mininus
Mas ku pasa di ténpu, tudu torna diferenti
Pamó ki tudu muda? Será ki amor ki kaba?
Pamó ki tudu straga? Será ki bu ka kre-m más?
Ami nha vida sta distruídu, N ten ki kumesa tudu di novu
Ma u-ki ta due-m é nha minís, ki N ta ama txeu dimás

Dja bu ka kre-m más
Kusé ki N faze di eradu?
Dja bu ka kre-m más
Ki kastigu ki N sa paga?
Dja bu ka kre-m más
Nen pa bu odja-m, nen pa bu fala-m
Dja bu ka kre-m más
Dja bu ka kre-m, dja bu ka kre-m

Dja bu ka kre-m más
Dja bu ka kre-m más
Dja bu ka kre-m más
Dja bu ka kre-m más

Di tudu ki nu vive, oji bu ka rikonhese
Sima nos éra é fixi, será ki dja bu skese?
Di kes momentos ki nu ta staba djuntu
Nu tinha planus alén di futuru
Óras ki N sta mi so ku bu fótu na nha mô
Ta da-m sodadi, ta da-m vontadi di sta ku bo
Nha genti, mundu é duedu! Fórti mágua na nha petu!
Fórti mágua na nha petu!

Dja bu ka kre-m más
Nton, fla-m na pundi ki N era
Dja bu ka kre-m más
Si N foi kel ómi ki sénpri ama-u
Dja bu ka kre-m más
Si mi N ntrega vida pa bo
Dja bu ka kre-m más
Fla-m pamodi ki bu dexa-m
Dja bu ka kre-m más

Ben fla-m pamodi
Ben fla-m pamodi
Ben fla-m pamodi, ie-ie-ie, u-u
Dja bu ka kre-m más
Ben fla-m pamodi, ie-ie-ie
Dja bu ka kre-m más