Il s’agit d’un texte du poète pampasgiolu qu’il a remanié quelques mois avant sa mort et dans lequel il loue les qualités d’une jeune fille à qui il rend hommage. Cette jeune fille n’est autre que geneviève geronimi, qui deviendra la mère de jean-luc geronimi qui interprète ici ces louanges.

À titulu d’amicizia
Credu di fà mi un duvere
Fendu prova di franchizia
Dicendu le cose vere
Per tè luminosa stella
Cunsacru lu mio sapere

Ùn hè micca pè a scusa
S’e ti facciu sta riclama
Sappia bè chì la mio musa
Hè tutu ciò ch’ella brama
Di stende per ogni locu
La to calurosa fiamma

Sè degna d’esse ludata
È d’avè tutti l’onori
Sè tù a regina amata
Da tutti I gran signori
Ti meriti di riceve
Oghje I più belli fiori

Lu to carattare hè d’oru
Perfetta hè a to parsona
Frà e zitelle sè un decoru
Di a dignità a patrona
Di l’onore è di a stima
Poi purtà a curona

Tù sè bella è graziosa
Eppò ricca di ciarbellu
Lu ghjornu ch’è tù sì sposa
Beatu puru sarà quellu
Chì cuglierà u to fiore
È ti mittarà l’annellu

Sò cuntentu credi puru
Per la to sudisfazione
È ne sò più cà sicuru
Ch’avaraghju l’occasione
D’abbraccià ti un’antra volta
Teneramente è cun affezzione