Dus drink en doch mei ús mei
En sjong fan it libben, it libben sa frij
It ljocht sil skine en ûntkymje it leat

Dus drink en doch mei ús mei
En sjong fan it libben, it libben sa frij
Lit ús earst lizze, tolve nachten en bleat

Tsjettels mei drank steane klear
Swyn oan ’t spit yn ‘e hal fan ‘e hear
De swietrook fan feest lit ús dreame
Jûl tsjinnet him oan, de mea sil wer streame

Lang ha wy hoede de wale fan ‘t ljocht
Yn tiden fan tsjuster doe’t de froast ús besocht
Wy ferhellen fan foartiids, hellen skalden oan
Tusken tûken fan spjirren, jûlbok yn ‘e brân
It tsjil sil wer baarne en it hear sil wer jeie
De sibben dy bringe in offer oan Freyr
De hoarnen stjitte wy rimpen, oerstjoer
En dûnsje dan dronken en neaken om ’t fjoer

Oan al it moaie dat is komt in ein
De drank is hast op, ik krij ‘m net mear oerein
Tolve nachten pearje, tolve dagen bier
Myn skonken as lead, myn eachlidden swier
De griemmank fan koarre, fan mige en sied
Noch ien swolch nim ik, noch ien op ‘e died
Noch ien op de goaden, noch ien op jim
Want it daagjen bringt ús it nije begjin