Bie Kloas en Trien doar is t n boudel
Elk joar is het doar goud roak
Zodroa Trien 'n potje kregen het
Is der al weer n aander in de moak
Tien joar traauwd, gelieke veul kinder
Kloas en Trien zai zitten noeit stil
Ze huiven nkander mor aan te kieken
As t baaident heurst poesten: "joa, ik wil"

refr.:
Kloas en Trien binnen aaltied bezeg
Op zolder, schiethoes, barrestee
Kloas en Trien blieven in bewegen
Ik keuken, toene en bie TV
Kloas en Trien zai maggen t zulfde
Van soavends loat tot smurgens vroug
Kloas en Trien, zai nuimen t "fitness"
Noodzijnd op 't biljart in kroug

Trien zal holdt van schiere lappen
Dragt aal kleuren van regenboog
Mor ze wait zok nait te klaiden
Lopt mainsstied mit heur rokken omhoog
Dant vint Kloas op zok wel pretteg
Poest en stent: "'k hol van die"
Blift aal zien aandacht aan Trien schenken
Denkt stiltjes: "zo kin 'k der makkelk bie"

refr.

Kloas dij lopt ook geern te pronken
In pak mit strikke, op zien zundoags dus
Op hom is ook wat aan te maarken
Hai lopt te voak mit boksem lus
Trien begunt stiltjes te laggen
Onder 't smeren van 'n plak stoet
As 't heur aankikst zugst heur denken:
"Nog even din gaait brouk weer oet"

refr.