Je lopen te koiern in t Stadspaark
Bie campingbrug linksaf
Deur tunnel, laangs parkeerploats
Din zai je Piccardthof
As je 't hek mit boog der binnen goan
Zai je d'hoeskes stoan
Je woanen je in 't boetenlaand
Mor 't is de Malusloan

refr.:
Al roem fiefteg joar stoan d'hoeskes doar
Mit kruudhof mouskerij
't Mooiste toencomplex van 't Noorden
Mit joen schier woonderij

Van 't haile laand is Piccardthof
Al joaren nummer ain
Klaain parredies gelegen bie Stad
Is 'n amateur-toenders-verainen
Drijhonderd hoeskes schier in de vaarf
De minsen binnen der blied
In schoul-vekaanzie is 't aaltied feest
Van 't joar de mooiste tied

refr.

Jong of old, het moakt nait oet
Je vervelen dou je nait gaauw
Mit 'n bootje op 't wotter, vis genog
Koarten en bingo in 't clubgebouw
Ik hoop ain ding en dat main ik echt
Blief hail laank nog bestoan
Je binnen de muite zeker weerd
Ik wild er echt nait meer vandoan

refr.