Hee gong langs de huze, de heure vol luze
Hee was der zo een van dat rondtrekkersvolk
't Tuug kats versletten en gaar niks te etten
Veur de vrouwe en de kinder, gund achter de kolk

Zee mosten mangs met, mangs met langs de straote
En hollen de borgers eur hendjen veur
Soms kregen zee brood en wat keers wat centen
Maor meespat dan gaf 't der gaar niks veur eur

Hee spollen psalmen veur 't huus van de fienen
En Ave Maria - Nomen est Omen - veur rooms-katholiek
't Morgenrood dagen al veur socialisten
Rooms, rood of de fienen, 't was em geliek

't Geld dat ging op an bier en an foezel
De borgers dee reerden van: Schande! Boh jao
En iedereen had er zon spiet met dee blagen
Maor iedereen wees met den vinger eur nao

Zee wazzen eteikend,eteikend veur 't laeven
't Darp was zo klein en dan krieg i-j zo wat
Zee wollen wal anders, maor 't was toch eur vader
En den hadden ze neet veur 't kiezen ehad

Hoo lange is 't heer en nog altied spolt Bierman
Deur Dinxper, meziek geet jao nooit op de vloch
Gin mense hef ooit dizzen keerl good begreppen
Maor 't oordeel henk immer nog zwaor in de loch