Marieche eß e lecker Weech so mollich un apaat
et hätt och so e söß Jeseech, su wie en Appeltaat
Et wör su jähn verhierod und hätt su jän ne Mann
doch leider beß bes hück noch keener ahn

Jo dat Marie eß die Partie
dat hätt jett ahn de Fööss, hätt richtich Flüh
Jo sun Partie, wie dat Marie
die fingste eimol nur un dann nie mih

Jetz stund et en dr Zeidung drin, Traumfrau für den Mann
mit wunderschönem neuen Haus und einem Garten dran
Sie ist im besten Alter, erst 55 alt
wo ist der Mann, der sich in sie verknallt?

Su kohm et ahn dä Pitter jetz, dat eß ene joode Mann
Mit dem et jede Jrosche un et Bettche deile kann
Die zwei verstonn sich prima, drum säät dä Pitter hück
"es war die Liebe auf den dritten Blick"