Sin die dolle Daach vörbei, lors do en et Portemonnaie
dinge decke Kopp, dä deit esu wih
Es d'r Büggel och janz leer - un et Levve furchbar schwer
dann säs do dir, dat passeet nie mih
Ävver sin ding Ping vörbei, un d'r Kopp es widder frei
freus do dich schon op et nächste Johr
Denn wenn dann de Musik spellt, dann lors de nit mih op et Jeld
un alles blieb su, wie et immer wor

Met ener Quetsch, met ner Trumm, un enem Mädche an d'r Hand
un am Rusemondaach Sunnesching jo dann hammer he
för drei Daach lang d'r Hemmel op d'r Äd am Rhing
jo dann hammer he för drei Daach lang
d'r Hemmel op d'r Äd am Rhing

Hammer drei Daach lang jebütz - krije mer et Äschekrütz
un dä jraue Alldaach hätt uns widder
Ävver schon janz koot donoh, es de Stemmung widder do
un mir Kölsche singe unsre Leeder
Jo su jeit dat Johr für Johr,eines, dat es sunneklor
alles bliev su, wie et immer wor
danze, höppe, singe, laache, un vun Hätze Freud sich maache
dat es, wat enem Kölsche jot jefällt

Rötsch doch jet mem Föttche nöher, drink doch eine met
Laach doch ens un sing janz einfach met
Jo dann hammer drei Daach lang
dann hammer drei Daach lang, d'r Hemmel op d'r Äd am Rhing