Txika é bunita ti ki kaba na nada
Prubuléma é ki Txika nada ka sabe fase
Txika é bunita ti ki kaba na nada
Prubuléma é ki Txika nada ka sabe fase

Txika fla-m m'el é ka nanse pa lanbuxa ku prétu
Txika fla-m m'e ka ta pari nen ku badiu, kifari sanpadjudu
Txika fla-m m'el é ka nanse pa lanbuxa ku prétu
Txika fla-m m'e ka ta pari nen ku badiu, kifari sanpadjudu

Txika é bunita, torna gó konpasada
Prubuléma é ki Txika ka sta pasa ningen karton
Txika é bunita, torna gó konpasada
Prubuléma é ki Txika ka sta pasa ningen karton

Txika ba da odju bentu la Lisboa, Txika ben ku paranóia
E fla pa nu ka txoma-l Txika, ma se nómi mê: Senhorita Fransiska
Txika ka ta ba rubera pamô rubera ten lama
Lata na kabésa? Krédu en kruz! Kel nen si bu paga-l!
Txika ka ta pâpia ku N'Doli pamô ma N'Doli é bakan
E fla: pakê? N ta kontra ku N'Doli la Praia
Ta fika na nhenhenhê, ta fika sô na tolobaskaria

Txika ka ta kúsia na lenha
Pamô m'e ta ntola, e ta intxi di tirna
E fla s'é p'e txera sô fumu, e ta pô si purfumu, e ta fika xeiroza
Txika ka ta bati na tina nen e ka ta feti-feti na mon
Txika ka ta ba simentera, Txika ka ta panha lenha, Txika nada ka ta fase

Txika sta na sinéma, e krê ba sinéma
Txika krê ser kapa jurnal, notísia na rádiu
Txika sta na sinéma, e krê ba sinéma
Txika krê ser kapa jurnal, notísia na rádiu

Txika sta na sinéma, e krê ba sinéma
Txika sta na sinéma, e krê ba sinéma