Gadé yo
On pati ka loué kò a yo
Asi twotwa adan gran biwo
Plézi sé monné an sosyété
On pati ka loué tèt a yo
Pou dòt moun palé pa bouch a yo
Véyé pou vwè ki lang ka palé
Kouri, kouri, kouri
Pou an pran balan an mwen
Kouri, kouri, kouri
Yo ka baré chimen
An chèché souf, an manké souf
Yo vlé maré mwen atè men an ké pran lanvòl
Woy, gadé yo, gadé yo
Ni panten ka chwazi fil a yo

Gran moun bèl pawòl, tchip, piti lèspri
Jenn moun bèl pawòl piti lèspwa
Tout biten ka vann an péyi-la
Kongnéla
Moun ka vann vòt a yo kon ti pen
Bitasyon ka vann pou ayen
Zafè bèl tout moun ka fwoté men
Kouri, kouri, kouri
Pou an pran balan an mwen
Kouri, kouri, kouri
Yo ka baré chimen
An chèché souf, an manké souf
Yo vé maré mwen atè men an ké pran lanvòl
Woy, gadé yo, gadé yo
Ni panten ka chwazi fil a yo

Sé pétèt pousa an pé'é ni ayen
Mwen menm pa ka loué nanm an mwen
Mò plito, goumé plito
Pé ké dézonoré non a fanmi an mwen
Pou tanbou-la
Pou gita-la
Pou pawòl-la
Mann man an ka rété doubout dwèt an lakou-la
Fè chimen a'w pa ni ayen a vann
Yo vlé maré mwen atè men an ké pran lanvòl