Du bes 'su klein
Dat mer et koum jlöuve kann
zwei Hängche voll
un doch schon alles draan
joot bewaach vun Papp un Mamm
ich luur dich jään aan
ich luur dich jään aan

Dann weehs du jrooß
wills su vell un noch mieh
Hätzeleid
un dat deit esuh wieh
Doch irjendwann
säht dä richtije dann
ich luur dich jään aan
ich luur dich jään aan

Du jeihs vorbei
un die Luff viebriert
taub un blind
wä dat jetz nit spürt
jeder Blick
säht ich rnööch dich jäan han
ich luur dich jään aan
ich luur dich jään aan

Du bes nit alt
ävver och nit mieh jung
meddendrin,
häss dinge Stil un häss Schwung
un die Pänz
erinnere dich dodraan
ich luur dich jään aan
ich luur dich jään aan

Du häss jeläv
Dir mäht keiner jet vür
föhls Dich noch wohl
kein' Pflicht nur noch Kür
schön ze sinn
wie mr alt weede kann
ich luur dich jään aan
ich luur dich jään aan