Fatig bay vwa koulè pal
Mwen m mete punch m ap fonse
Chak MC gen mo pa l pou l bay mwen m t ap panse
M Pa g anpil chwa m rete kalm
M tand on dat k anonse
Pou konba a ka vanse
Leve a kanpe a lanse
Se dlo nou tout ap bat
Pou n fè bè e pa dat
Nou on pil men nou an plas
E kòmsi nou ann d on bwat
Strès souvan anpare nou
Ou ta di yo kondane nou
Yo g on jan y ap kale nou
Pou yon fen y ap prepare nou
Li pa fado si w black
Nou s on mago nou chak
Tout Moun nwa yo
Nou se nwayo
Men yo pran n pou n makak
Yo rasis yo tchak
Yo k ban nou plis mak
Pandan n se motè listwa
Pou lònè n merit on plak
Yo pito redwi n
Petri n
Dekrin kòm debri
M ap redi l
Y ap detwin
Nèt
Fè n pran egzil

Se toujou menm pwoblèm yo kolonizasyon
Okipasyon
Domination
Eksplwatasyon
Se menm konsèp yo

Yo bann nou kou a, kou a fè nou mal oo
Yo bann nou kou a, kou a fè nou mal oo
Yo bann nou kou a, kou a fè nou mal oo
Yo tèlman bann kou a, kou a fatige n

Vid anndan m yo grandi koz bri kèm fè gwo eko
M ap respire an ralanti
Wa di sèvo m mand on repo
Dèfwa l plen l a lafimen
Tankou vye kò a s on depo
Dèfwa m nève m s on imen
Ni mwen m tou m g on ego
M pa dakò moun siperyè
Reveye w pou si w te kwè
Se bagay bagay pi stipid
Pou koulè po w ou di w
Meyè
Yo vann Bondye pou tilepè
Si w di li nwa y ap di erè
Yo kenbe n nan stad tiye vè
Nan vant
E tout sa yo di se vrè
M pral ban n on ti sekrè
Peyi a l pou yon ti sektè
Yo k gen lajan
Yo k gen pouvwa
Yo gen kontwòl depi se tè
M konnen byen ke nou tout wè
Franchman m pa konn kisa nou pè
Si moun nan ap sèvi opresè pa fè l konfyans menm si l se pè
Se nou k dwe priyorite a
M wè nou Neglije sa
N pa dwe dakò soufrans sa
Pandan se nou ki eritye la a
Rasin nou verite a
Nou pa dwe meprize sa
Enèji pou n goumen
Fòk nou viv byen
Nou merite sa

Yo bann nou kou a, kou a fè nou mal oo
Yo bann nou kou a, kou a fè nou mal oo
Yo bann nou kou a, kou a fè nou mal oo
Yo tèlman bann kou a, kou a fatige n

Nou chèche n pa twouve
Lavi n ap pran kalòt
N ap karese rèv nou
Men sekrè midi ap touye yo
Nou chèche san twouve
Yo ban nou sa yo vle
Men yo ban nou, yo ban n kou