Dze-m se bo ta uvi-m
Dze-m se bo ta sinti mal óra ke bo ta magua-m
Dze-m se bo ta uvi-m, se bo ta kunfiá na mi
Se u-ke ke no ten é real
Nunka foi pa mi, senpe foi pa nos dos
Talves mó N ka kris stóde so
Senpe ke bo dzaponta-m, N mantê la fórte, nada ka tava derruba-m, no
Unto, dze-m purke ke bo é asin
Ja N ka sabê más u-ke ke bo kre de mi
Senpe N tive la pa bo, nunka N txó-be bo so
Nunka N txa de stende-be nha mon
Guenta pe mi ma bo, tude ta dó-be amor, te kónde bo ka meresê
Ma ten uns koza é ke mestê muda
Faze pa koizas pode avansá se nes relasan bo ta kerditá
Ja ten txeu jente pa li ta nveja
Tónte koza ke bo sabê ke no pasá
Respeite i lialdade pa mi é u-ke ke ta seduzi-m, e-ei

Ten ves é ku N ta kre fka, ten ves é ku N ta kre ba
Ten ves é ku N ta kre tma nhe spas i ots ku N ta kre so ke pe bo pega-m
Ten ves é ku N ta pensá ke so bo é ke ta ben podê faze-m felis
So ke dpos N ta lenbrá: Ken ten ke faze is é mi

Tude is é real, se algun dia N amá algen nes munde, é bo
So ke asves N ta fka konfuze ke N ka ta gostá de sinti ku N ta depende d'ots
N ka faze-l pa maguó-be, N afasta mode N kris otxa mi mes
Konpo es bagunsa ku N tê li dente
So dpos, talves, N ta podê vive es amor
Bo sabê ke relasan n'é so sentimente, N ka ta madur u-sufisiente
Unto, N ka ta podê dó-be tude ke bo kre de mi
No faze asin: Kóm so agóra ku N ti ta diskubri ke amor própriu é k'é inís
No t'oiá ne fin (deuces)

Ten ves é ku N ta kre fka, ten ves é ku N ta kre ba
Ten ves é ku N ta kre tma nhe spas i ots ku N ta kre so ke pe bo pega-m
Ten ves é ku N ta pensá ke so bo é ke ta ben podê faze-m felis
So ke dpos N ta lenbrá: Ken ten ke faze is é mi

Ken ten ke faze is é mi, ken ten ke faze is é mi
Mi k'é responsável pu N stóde k'un surris
Ken ten ke faze is é mi
N ka pode ama ningen sen N faze-l pe mi
Ken ten ke faze is é mi, ken ten ke faze is é mi
N sabe ke sin, ma na mesma N t'amó-be a-pontu de fri-m