Cifra Club

Dr Ferdinand is gschtorbe

QL

Ainda não temos a cifra desta música.

Dr Ferdinand isch gschtorbe
ojeh, ojeh, ojeh
dr Ferdinand isch gschtorbe
es tuet mer hütt no weh
är wo so vil het gworbe
um Liebi im Quartier
dr Ferdinand isch gschtorbe
das arme Tier.

Wien'i doch geng mis Goudi
am Ferdinand ha gha
e so ne schtolze Moudi
wird nie meh öpper ha
geng d'Liebi het ne tribe
nie ds müüs- und vögelfah
är isch mys Vorbild blibe
dä Chatzema.

Wenn är sys unbeschwärte
ganze Läbe lang
het gsungen i de Gärte
und nüt als Minnegsang
de isch ihm albe glunge
ds Härz z'rüere vo sym Schatz
är het für d'Chatze gsunge
doch nid für d'Chatz.

Dr Ferdinand isch gschtorbe
ojeh, ojeh, ojeh
dr Ferdinand isch gschtorbe
es tuet mer hütt no weh
är wo so vil het gworbe
um Liebi im Quartier
dr Ferdinand isch gschtorbe
das arme Tier.

[Instrumental]

So het är ou am gröschte
Nachwuchs ds Läbe gschänkt
das tuet eim albe tröschte
wo a sys Schtärbe dänkt
e Huufe Ferdinändli
schpaziere no dür d'Schtedt
syt das ne dr Herr Brändli
erschlage het.

Teil Lüt, me sött se schtrafe
verschliesse ds Härz dr Kunscht
sy wei geng nume schlafe
und hei ke Sinn für d'Brunscht
so het ou dr Herr Brändli
mit em'ne Topf für d'Nacht
däm arme Ferdinändli
es Ändi gmacht.

2x
Dr Ferdinand isch gschtorbe
ojeh, ojeh, ojeh
dr Ferdinand isch gschtorbe
es tuet mr hütt no weh
är wo so vil het gworbe
um Liebi im Quartier
dr Ferdinand isch gschtorbe
das arme Tier.

Outros vídeos desta música

    Afinação da cifra

    Afinador online

    0 comentários

    Ver todos os comentários

    Entre para o Cifra Club PRO

    Tenha acesso a benefícios exclusivos no App e no Site

    • Chega de anúncios

    • Badges exclusivas

    • Mais recursos no app do Afinador

    • Atendimento Prioritário

    • Aumente seu limite de lista

    • Ajude a produzir mais conteúdo

    Cifra Club Pro

    Aproveite o Cifra Club com benefícios exclusivos e sem anúncios
    Cifra Club Pro
    Aproveite o Cifra Club com benefícios exclusivos e sem anúncios
    OK