Áður hjörtun slógu í takt
Orðin þurftu ekkert sagt
Bálið sem að brann svo bjart
Er horfið út í myrkrið svart

Vertu aftur stjörnuljós
Sem lýsir mér um dimma nótt
Og þegar veikist eldur þinn
þá skal ég ljá þér logann minn

Ekkert er eins og það var
Hjörtun okkar ísjakar
Brosin, draugar fortíðar
Brostnir draumar alls staðar
Ráfum týnd í þokunni
Viljum bara finna til
Lokuð augu ekki sjá
Að fjarlægð gerir fjöllin blá

Mundu mig og ég man þig
Getum ennþá snúið við
Tíminn græðir gömul sár
þú og ég í þúsund ár