Asêta aha mombyry
Jajoechave'ỹ hag̃uame
Anive nde rayhupápe
Amokõ che resay
Nderehe aipota ijaty
Jepiguáichante vy'a
Ha che tovénte taha
Che azucenami poty
Kuarahy'ãnte raka'e
Ahechámiva che képe
Mborayhu porã apytépe
Jaikóramo oñondive
Ha ág̃ama voiete
Hoguemano che yvoty
Oikóma ijaheipy
Che mborayhu ypykue
Che aimeva'erã mombyry
Mamo iñypytûveháre
Ha nde reikóne okáre
Vy'apópe, tupãsy
Ha che aikóne ambyasy
Rejapóva cherehe
Nde poyhu vaietaite
Che azucenami poty
Oikekuévo kuarahy
Poniénterehe emaña
Ehecháne nde joguaha
Estrella ka'arupy
Ndekéna che tupãsy
Upéicha jave evy'a
Ha ere mombyry aimeha
Che azucenami poty
Ku pyhare piro'y
Reñenórõ nde rupápe
Og̃uahêne nde apysápe
Che purahéi ñembyasy
Amo yvágui jasy
Upérõ nderesapéne
Ha che mombyry aiméne
Che azucenami poty
Osênguévo kuarahy
Amo yvága mboypýpe
Rehendúne ka'aguýpe
Pyku'i oñe'ê asy
Ndaikatúi jajupyty
He'iva'erã ehendu
Ne korasõ toñopû
Che azucenami poty
O que você acha desta tela e suas ferramentas? 🤔
Participar da pesquisaMais de 15 cursos com aulas exclusivas, materiais didáticos e exercícios por R$49,90/mês.
Tenha acesso a benefícios exclusivos no App e no Site
Chega de anúncios
Mais recursos no app do Afinador
Atendimento Prioritário
Aumente seu limite de lista
Ajude a produzir mais conteúdo