Ayiti, Ay- Ayiti
Ayiti, Ay- Ayiti

Ayiti se peyi pa m yo pa vle m viv ladan l
Pòtoprens kapital yo pouse do m ladan l
Nou anba menm drapo
Nou gen menm koulè po
Men nèg yo pran nou nan konplo

Toupatou se gè gè gè
Leta ret bèkèkè
Menm si m ta vle danse rara m pa ka moute bèlè
Peyi m chaje chimè, m pa ka al bisantnè
M pa ka antre Sylvio Cator pou m al rale chenè adje wo

Bondye, eske w abandone n?
Eske ou tou bliye n?
Eske w pa janm gade doulè nou mizè nou?
Bondye, eske w abandone n?
Eske ou tou bliye n?
Eske w pa janm gade doulè nou mizè nou?

Eske se la lanfè a ye, di m non, di m non
Kay malere y ap mete dife, di m non, di m non
Woy, tou vivan moun yo ap boule, di m non, di m non
Fanmi pa jwenn kò pou antere

Pa gen bouzen gran ri ankò
Nou pa gen sinema ankò
Pa gen mwayen pou m al ranje machin mwen ri chanmas ankò
Pa gen bò katedral ankò
Nou pa gen ri pave ankò
Pa gen mwayen pou m al achte frechè andan gerit ankò
Pa gen vakans Decameroun
Ganm lajounen y ap kidnape moun
Andan lakay tounen prizon
Pandan n ap veye bal mawon

Bondye, eske w abandone n?
Eske ou tou bliye n?
Eske w pa janm gade doulè nou mizè nou?
Bondye, eske w abandone n?
Eske ou tou bliye n?
Eske w pa janm gade doulè nou mizè nou?