Enkuante la fóra tude jente ta xei de mede de bos kapasidade
Bo ta tudóra dente de kabésa ta kestiona putensialidade
Kolesioná dúvida na intimidade, intimidóde
Abandona dadiva ke Deus tinha dóde

Bo t'oiá kel môs la sin? Após kel-la é mi
Kel tiu N ka ta konxê-l, el para-m na kamin
El pergunta-m se N tinha óra, ia N dzê-l kmá sin
N spendê mon k'é pa ba dzê-l óra, nton, el pega-m asin
Txá-m oiá bo mon, txá-m alê bo destin
Nton, bo sabia ke bo futur ta skrite nes linha fine?
N pensá: Es tiu já ba kabésa, tipe já-l perdê tine
Ma au longe de se konvérsa, el muda-m rasiosín
Ma n'é k'es tiu sabê tude inkuante de nha vida? Nhas mágua, nhas frida
Móda s'el ta konxê-m desde ke mi éra mnine
Nhas frustrasãu, nhas defeite, kes desepsãu na nha peite
N sintí mil barbuléta vua-m dente de nha intestin
Se linha de kurasãu juntá ma kel de kabésa
É sinal ke bo razãu senpre é ke ta ditá sentensa
Kalá bos sensasãu, silensiá kada pésa
Purise ke bos emosãu asves ta stóde tude disvésa
Bo ta dzê tude jente pa kreditá, ma bo ta duvidá de bo viájen
Tónte ves ke bo kris tentá, ma mede de falhá pezá bagájen
Bo é primer a boikotá, boy, undê ke ta bo korájen?
U-k'é ke bo ta txmá de perfeksionismu, N ta txmá-l de autosabotájen

Enkuante la fóra tude jente ta xei de mede de bos kapasidade
Bo ta tudóra dente de kabésa ta kestiona putensialidade
Kolesioná dúvida na intimidade, intimidóde
Abandona dadiva ke Deus tinha dóde

Bo futur ta na bo mon, el ta na bo mon, bo futur ta na bo mon
Bo futur ta na bo mon, el ta na bo mon, bo futur ta na bo mon

Bo fká kurioze n'éra?
N sabê ke bo ta la ta pensa s'es stória é prope dvéra
El lenbró-be de vendê-be bo alma n'éra?
I se N juró-be ma el kontsê na séri?!
N ta ti tmá tiu na goze, N dzê-l ke éra mintira
Es é bon nes tipe de negós la pa banda de sukupira
El dzê-m: Kónde bo ta fká nervos kontrolá bo ira
Prendê kontrolá-l, môs, truke é so respirá
Rankor ta vra pudridãu, uví li rankor é venén
Konsedê otes bo perdãu, ma sobretude perduá bo meme
Kes sentimente k'é podre limpá-s bo vivê serén
Kes pensamente k'é podre ka txá-s nasê na bo terrén
Es linha de sol, de bóxe de bo anelar
El ta bai de Monte de Apolo até linha lunar
Spiá es linha drete diante de bo polegar
Kre dzê ke bo ta ben morrê sede, bo linha de azar

Na bo mon, ta na bo mon, bo mon
Na bo mon, ta na bo mon, bo mon
Na bo mon, ta na bo mon, bo mon
Na bo mon, ta na bo mon, bo mon

Dzê ke bo futur ta na bo mon
Ten dos signifikade destinte i antagonike
N ka sabê na kual ke bo ta kreditá
Ma mi N ta kreditá na es dos
Kreditá ke nha destin já foi skrite
Ta faze-m spiá pa séu i oiá-l alinhóde na stréla
I asin N ta vivê ta kunprí es designe
Pa ote lóde, N ta siente ke mi é skritor de nha prope stória
I ise ta faze-m nunka baxa kabésa diante de sirkunstánsia