Lua raia n'azul di séu nun note serénu di abril
Se lus spadja na mar ma na rostu di nha kretxeu
Note di luar di prata nun séu bordadu di stréla
Note ki beja-m nha mulata
Ami el dixa-m so ku se rekordasan

Éra un note di puizia na séu
Notu di sonhu i di amor seléste
Di luar sin kma néva fria
Raia se splendor na rostu di nha kretxeu

Éra un note di puizia na séu
Notu di sonhu i di amor seléste
Di luar sin kma néva fria
Raia se splendor na rostu di nha kretxeu

Dipos lua tolda di névua, mundu perdê se ligria
Note merguia na tréva, mórna perdê sê puizia
So un briza léve di amor fika ta ondia na skuru
Na kel silénsiu di dor
Iklipse el spadja nun note di luar tan pur

Nha kretxeu perdê surris di se rostu
Se aligria di un mosa fagera
Pamó lua nha kunpanheira
Ten óra di aligria i óra di disgoste