Awaseru djis kai p’ami

Refreská mi kurá p’ami
Nos mesté di awa
Tata manda poko awa p’ami
Ai no lubidá

Drecha koló di mi lugá
Hasiéle bèrdè kla
Yena nos mondinan ku flor
I aliviá kalor
Awaseru si bo koperá
Ku baile di seú nos por selebrá kosecha

Awaseru, yuda nos
Pa drecha un par di kos
Kambia shinishi pa koló
Basta sekura awó
Muha tur e maishi plantá
Ai, tata manda nos, bendishon den form‘i awa

Awa ta chip riba mi dak
M’a sali pafó, m’a wak
Un arko íris di koló
Kasi e ta ful rondó
T’ un señal ku bo ta skucha nos
I ku kueru i agan nos lo kanta bo alabansa