Nun cumplisti los treinta
y ya nun te tienes en pie
como si fuere precioso
echástilo todo a perder

Nun aprendisti a ganalo
y bien lo supisti gastar,
vendístilo too a to madre
nun sé que queris comprar

Pa ti fue igual "so" que "arre",
nunca quixiti aprender
la gaita nun ye un palote
ya lo tenís que saber

Igual que un perru ensin amu
andres de aquí p´alla,
en ningún sitiu te quieren
porque te conocen ya.

Nun conocis ni a to padre
cuando te fue a buscar
tabes tirao en medio muertu
tirao en aquel solar

Placu como una cardarma
fartucu de nun comer
vénsete toles custielles
¿qué te podremos facer?

Y nun quies que te ayuden,
tienes la tranquilidad
de los que ya n´esta vida
nun tienen ná que arrascar