Quanno mámmeta t'ha fatta
Vuó sapé comme facette?
Pe' 'mpastá sti ccarne belle
Tutto chello ca mettette?

Ciento rose 'ncappucciate
Dinta mártula mmescate
Latte, rose, rose e latte
Te facette ncopp o fatto

Nun c'è bisogno 'a zingara p'andiviná, cuncè'
Comme t'ha fatto mámmeta, 'o ssaccio meglio 'e te

E pe' fá 'sta vocca bella
Nun servette 'a stessa dose
Vuó sapé che nce mettette?
Mo te dico tuttecosa

Nu panaro chino, chino
Tutte fravule 'e ciardino
Mèle, zuccaro e cannella
Te 'mpastaje 'sta vocca bella

Nun c'è bisogno 'a zingara p'andiviná, cuncè'
Comme t'ha fatto mámmeta, 'o ssaccio meglio 'e te

E pe' fá sti ttrezze d'oro
Mamma toja s'appezzentette
Bella mia, tu qua' muneta?
Vuó sapé che nce servette?

Na miniera sana sana
Tutta fatta a filagrana
Nce vulette pe' sti ttrezze
Che, a vasá, nun ce sta prezzo

Nun c'è bisogno 'a zingara, p'andiviná, cuncè'
Comme t'ha fatto mámmeta, 'o ssaccio meglio 'e te