ik leufde vrouger net as joe in sunnekloas
al had mien moe net zo n stem as zwaarte piet
ik kreeg marsepein, n bromtol en dinkytoys
en ik was as n kind zo blied
guster kwam ik hom toevalleg in Stad tegen
mit pakjes van de hema in herestroat
stel van dij rötjong dij trokken zien schimmel an zien steert,
en hom an zien board

ze ruipen:
sunnekloas geef ons joen geld
joe binnen nog nait joarig want wie binnen vergreld
(aans kriegt joen schimmel n hengst veur de kop)
hol toch es op mit dij stomme kado's man
banketletters, speulgoud hebben wie nait besteld
wie binnen vergreld
dus hier op an mit joen geld

ik huif gain puzzel en ook gain dinosaurus
nee allint van joen geld heb ik wens
dus krieg ik nou van joe snel wat pegels
of joe van mie een best pak op pens

denk es even an mien vriendjes dij niks kriegen
zoas Aleida, Jan en Kor
elke oavond zetten ze netjes hun schoun op
komt nooit wat in, ook al zingen ze zich schor

sunnekloas geef ons joen geld
joe binnen nog nait joarig want wie binnen vergreld
eerlijk zullen we alles verdelen
dat het ons moeke ons altied verteld
wie binnen vergreld
dus hier op an mit joen geld

(c) tekst: P. de Haan / muziek: R.D. Davies