Grea is des, wås übrig bleibt
Wann de Sunn auf d'Wiesn scheint
Roud, blau, schwarz, grea, gejb is des, wås übrig bleibt
Wann's Bluad unter da Haud dafeit
Roud, blau, schwarz, grea, gejb is des, wås übrig bleibt
Wann de Sunn auf d'Wiesn scheint

Roud is des, wås übrig bleibt
Wann sie se in de Arm neischneidt
Und am End san's weiße Strich, de übrig bleibn
A Himmesloater ohne Kreiz
Roud, blau, schwarz, grea, gejb is des, wås übrig bleibt
Wann de Sunn auf d'Wiesn scheint

Schau, wia sie grabbeln de Madn am Bodn
Und koana ko se dem entziagn
Und wann sie de Vegl ned gefressn håbn
Wachan sie auf und dann san s'a Fliagn
Die Metamorphose vaschlaffa, aufwacha
Vom ewign Sterbn und vom Lebn
Des passiert übaroi, passiert langsam und schnej
Und mia san irgendwo mittendrin

Heast wia sie lachan de Madn am Bodn
Sie grabbeln dir nei in dei Lebn
Sie lachan und lachan so fett und so rosig
Jetz brauch ma an Haufn Benzin
Dei Feier is heilig, dei Feier des reinigt
Sie schrein Dua uns des ned o
Aba jetz is z'spat, weil de Wiesn is gmaht
Und ois brennt lichterloh

Schwarz is des, wås übrig bleibt
Wann de Sunn in meine Augn neischeint
Und de Iris håd dabei die hechste Freid
Wann d'Sunn in meine Augn nei scheint

Roud, blau, schwarz, grea, gejb is des, wås übrig bleibt
Wann de Sunn auf d'Wiesn scheint

Dei Våder a Drecksau, dei Muader a Schlang
Deine Briader de megn di daschlågn
Dei Schwester a Britschn, du deafst då ned tritscheln
Du muaßt as jetz zum Deife jågn
Dei Feier is heilig, dei Feier des reinigt
Sie schrein dua uns des ned o
Aber jetz is z'spat, weil de Wiesn is gmaht
Und ois brennt lichterloh

Schau wia's brennt
Schau wia s'rennt
Du daschrickst vorm Frosch im Woid
Is der schleimig, is der koid
Schleimig is a ned åber koid is a scho
Genauso wia dei Våder, oiso håb di ned aso
Genauso wia dei Muader mit ihrm greislign Fuader
Fleisch gheat jedn Dåg an Disch
Und am Freidåg a Fisch

Roud is des, wås übrig bleibt
Wann's d'Haud åbziagst vo ålle Leid
Und auf oan Schlåg sa'ma dann ålle gleich
Wann d'Sunn auf d'Wiesn scheint