Sèm montanhòls, aimam l’endepéndençia
L’aviam, l’avèm amai la gardarem
S’I a pas de rei en França
Nautres I renharem

Nòstre sol mestre es aquel que fa nàisser
Lo blat l’auton e l’erba lo printemps
Lo pregam que nos daisse
Lo gost del pan longtemps

Tenèm la dalha e tenen l’agulhada
E nos’n vam fièrs jos la capa del cèl
Aital la tòcha nada
Aital canta l’aucèl

Dels vièlhs Galés avèm lo crit de guèrra
Possam daus crits que fan tot restornir
En passant sus la tèrra
Aimam nos faire ausir

Aprovam pas lo monde que s’inquètan
Mas sens baston sortèm pas de l’ostal
Gents e bèstias respectan
L’òme que pòrta un pal

Fasèm justícia a mòda montanhòla
Desrengam pas lo jutge ni l’uissèr
Lo còde de Laguiòla
Es de buèsc de drulhier

Tu, vinhairon, siás fièr de ta vendémia
Mas ieu te planhi, paubre costavon
Tu, cultivas la vinha
Nautres, bevèm lo vin