Kant'ánu, kantu tempu
Tudu dia ami nta spera ku xintidu
Nta deta noti ami nta sunha

Dia 1 di junhu di 2009
Es konvidam pa téra lonji pam bai leba nha kultura
Ui, ami n kontenti n grita rixu
Mamai dja flaba mi ma tudu kusa tem si dia

Mi n pidi santa Mana Maria, n pidi San Miguel Arcanjo
Ma djan papia ku Nhu Santiagu, n ba pidi San Lorensu
Ma djan pidi Sinhor di Mundu ki salva omi salva mudjer
Ma djan papia ku nhu San Jorgi, kantu n da rinkada nta bai!
Mi n pidi Sinhora da Grasa pa lebanu pa kompanhanu
Munti Piku Ntoni maram kabesa, ê sananu ku lensu branku
Ê flam pam bai pam ka durá, pamó el ke nha amor
Mi e ta ngodam e ta ninam ku tudu mimu

Ê flam keló ki n odja arku da bedja
M'é um sinal ki djê mandam
Ê flam keló ki n odja txuba txobi
M'é el ki sa ta txora, m'é sodadi ki dja dal
Ê flam keló ki n odja sol sai
M'é el ki sa ta ri, m'ê sunha ku mi ma djam bem
Ê flam keló ki n odja mar brabu ta txora na rótxa
M'é xatiadu ke dja sta pamodi djam dura ku bem

Kabu Verdi nha téra sabi
Di paz, amor e trankilidadi
Sabura na sê di natureza
Ma nha bandera nka ta troka nem ku dinheru!

Aiam nha Kabu Verdi
(Ma nka ta troka nem ku dinheru)
Ma nka ta troka Kabu Verdi nha téra
(Ma nka ta troka nem ku dinheru)
Ma nka ta troka nha bandera nau
(Ma nka ta troka nem ku dinheru)
Ma nka ta troka nha bandera
(Ma nka ta troka nem ku dinheru)

Ma nka ta troka (nem ku dinheru)
Ma nka ta troka (nem ku dinheru)
Ma nka ta troka (nem ku dinheru)
Ma nka ta troka (nem ku dinheru)
Ma nka ta troka (nem ku dinheru)