Bô ê nha sonhe, nha Carnaval
Bô vent ta soprá finód
Bô chuva ta caí ritmód
Bô dia-a-dia tem melodia natural

Baía t'embalá nôs coraçon
Nossa Senhora da Luz
Ta dá gente sê bençon
Terra doce, Terra d’mel
Quem ca crêl so quem ca conchêl

Morada d’poesia e boemia
Terra d’essência musical
Monte Cara ê maestro dêss sinfonia
Nascid d’inspiração universal

Soncent de Ti Goy, de Jorge Cornitim
Soncent de Cesária, de Bana e B. Leza
Soncent de Manêl, Frank Cavaquim
Terra d’harmonia
Berço de morabeza

Um morna n’Areia de Salamansa
Na cadência d’kês onda de mar
Um coladêra sabim na camim d’Maderalzim
Êss ê vivência d’nôs lugar

Um sanjon revultiód na R’bera d’Julion
Na R'Bera Bote, um carnaval d'intentacon
Mindêl, bô ê nha alegoria
E brilho de nha fantasia