Ik zinge mijn liedjes gelijk da 'k ze peiz'k hèwe 't girre duidelijk simpel en wijs
'k zinge over wel en wee, zowel op straat of in 't café
toch valt mijn publiek niet altijd mee
'k hore ulder zeggen luisterd ne kier vriend
mee simpelen uitleg zijn wij niet gediend
wij maken het ingewikkeld veur ons gemak
en veur onzen eigen zak.

'k zinge over het slavendom
veur uitbuiters wirken mensen ulder krom
maar na vele jaren strijd veur sociale zekerheid
hebben we nu wat vrijen tijd
'k hore ulder zeggen da't niet zo simpel is
omdat wirken zalig is
en nodig veur de economie
de banken en de wereldcompagnie.

'k zinge over beschaving en de koloniale tijd
wij maakten de wilden mee onze bluf benijt
eerst hebben z' ons vereerd maar het liep al rap verkeerd
als ze onze trukken hadden geleerd
'k hore ulder zeggen luister hier maat
stop maar mee uwen dwaze praat
wij hebben de wilden beschaafd en bekierd
en goede manieren gelierd.

'k zinge over vervuiling en over chimique
't maakt de natuur en onze kinders ziek
al geeft het ons gemak en ook wat geld op zak
den afval is gene kinderkak
'k hore ulder zeggen luister ne kier gast
al uwen uitleg is hier niet gepast
de verbruiker betaald, en 't brengt vele op
al staat de natuur op zijne kop.

'k zinge mijn liedjes over arm en rijk
'k wille maar zeggen hoe ik het bekijk
hoe dat ge 't ook vertaald onze weelde hebben we ergens g'haalt
waar den armsten er met onmacht heeft veur betaald
'k hore ulder zeggen ge zijt ne simpliest
'n en dwarsligger, 'n en raren artiest
maar goed dat men uw liedjes niet overal hoort
want er zijn er al veur minder vermoord.