El rey de Francia tres hijas tenía
La una lavaba la otra cuzia

La mas chica de ellas bastidor hazia
Labrando, labrando suenyo le cayo

A madre qua la via aharvar lo queria
No me aharvex, mi madre, ni me aharvariax

Un sueñyo me soñava bien y alegria
Sueñyo vos soñavax yo lo soltari

Me apari a la puerta vide la luna entera
Me apari a la ventana vide la estrella Diana

Me apari al pozo vide un pilar de oro
Con tres paxaricos picando el oro

La luna entera es la tuya suegra
La estrella Diana es la tuya cuñada

Los tres paxaricos son tus cuñadicos
Y el pilar de oro el hijo del rey tu novio

Estas palabras diciendo carrozas a las puertas
Ya me la llevan en tierras ajenas